AURKEZPENA

Altzako Tokiko Bilduma Donostia Kulturak eta Altzako Historia Mintegiak sortutako dokumentazio zerbitzua da, Altzaren dokumentu ondarea bildu, zaindu eta ezagutarazteko xedearekin sortua.

Tokiko Bilduman mota eta eduki askotako dokumentuak daude (artxibo dokumentuak, argazkiak, prentsako berriak, mapak, ikus-entzunezkoak...), eta guztiak Casares-Tomasene Kultur Etxean kontsulta daitezke. Era berean, Bildumako funtsaren zatirik handiena Internet-en ere kontsulta daiteke web orri honen bitartez.

Casares-Tomasene Kultur Etxea 1986. urtean sortu zen eta, aldi berean, Altzako Historia Mintegiak lehen dokumentuen bilaketa eta bilketa lanari ekin zion. Sei urte geroago, 1992an, bildutako dokumentuen lehen katalogoa argitaratu zen. 1998. urtean, Donostiako Kultur Patronatuaren eta AHM-ren artean lehen lankidetza hitzarmena sinatu zen Altzako Tokiko Bilduma sortzeko, kultur etxeko liburutegiaren zerbitzu osagarri gisa, eta urtez urte berritu egin da.

Darieta bidea, 1 - 20017 ALTZA * tel +34 649496607 * tokikobilduma@altza.net