Signatura: A3637

Data: 1633-05-8

Dokumentu mota: Artxibo-dokumentua

Hizkuntza: Gaztelania

Iturria: Gipuzkoako Agiritegi Orokorra / Archivo General de Gipuzkoa

Ezaugarriak: 1633. Sebastian de Zapiain-en testamentua, Donostiako auzokidea. 7 or.

Oharrak: Gurasoak: Santiago Zapiain eta Maria Anton Ureta. Pasaiako portutik Sevillara joango da, Juan Nuñez lezoarraren eta Pedro Ureta donostiarraren itsasontzian, eta okerrena gertatzearen beldur, testamentua egiten du. Elizkizunak San Bizente elizan egitea agintzen du, eta Donostian hil ezkero, bere gurasoek eliza horretan daukaten hilobian lurperatzea ere agintzen du. Amabirjinaren eta santuen ohorez hainbat meza egin ditzaten. Bere zorrak aitortzen ditu, besteak beste Antonio de Oquendo almirantearen neskame bati zor dizkion 8 erreal. Berari zor dizkiotena: "Pira" izeneko itsasontziagatik, korsoan ibilitakoa, bi itsasontzi holandarretik hartutakoak, bere anaiak Diegok, apaiza, har ditzala. Beste anai-arrebak dira: Maria Juan, Maria Gomez eta Ursula de Zapiain. Azken biak gurasoen oinordekoak izendatuak izan ziren. Berak bere amarengandik lejitimaren zati bat jaso zuen, jasotako kopuruen ordain-agiria berriro emanez. testamentu-betearazlea: Pedro de Ureta, osaba. Oinordekoa: bere anaia Diego. Lekukoak: Joanes Orbia, Juanes San Miguel, Pedro de Laboa, Domingo Arriaga eta Francisco de la Carbuera, Pasaiako auzokideak. Gipuzkoako Agiritegi Orokorra. PT 2056, 61 r.- 64r.

• Zapiain leinuari buruzko dokumentuak

Iruzkinak / Zuzenketak